Кечээ, 10-декабрда Бишкектеги Абдылас Малдыбаев атындагы опера жана балет театрында «Кыргыз футболуна 100 жыл» аттуу иш-чара болуп өттү.
Иш-чарада Кыргыз футболдук союзу футбол жаатында жыл ичинде мыкты болгондорду сыйлады. Жыйынтыгында төмөндөгүлөр мыкты деп табылды:
Кыргыз Республикасынын мыкты оюнчусу — Алимардон Шүкүров;
Профессионалдык лиганын мыкты оюнчусу — Мирбек Ахматалиев;
Мыкты футзалчы — Шохрух Махмадаминов;
Эң мыкты спорттук уюм — Баткен облусунун футбол ассоциациясы;
Эң мыкты футбол машыктыруучусу — Александр Крестинин;
Футзал боюнча эң мыкты машыктыруучу — Учкунбек Абдыжапар уулу;
Мыкты футболчу айым — Айтурган Аскарова;
Мыкты футбол калысы — Денис Шалаев;
Футзал боюнча эң мыкты калыс — Нурдин Букуев.
Иш-чарада футбол ардагерлерине да эстелик сыйлыктар тапшырылды. Мындан тышкары улуттук футболду өнүктүрүүгө кошкон салымы үчүн КФСтин экс-президенттерине, экс-вице-президенттерине, экс-башкы катчыларына эстелик белектер тапшырылды.