Германиянын экс-канцлери Ангела Меркель пенсияга чыккандан кийинки алгачкы күнүн супермаркетте соода кылуу менен өткөрдү. Бул тууралуу экс канцлердин эс алуусуна кызыккан булактарга таянып, чет элдик басылмалар жазып чыгышты.
Маалыматка караганда, Ангела Меркель таң эрте саат 08:30 чамасында жол тыгынына карабастан кеңсесине барган. Андан соң супермаркетке барып соода кылган. Экс-канцлерди супермаркетте жан сакчы коштоп жүргөнүн, бирок ал азык-түлүк салуучу арабаны өзү түртүп жүргөнүн жазды басылмалар.
Ал буга чейинки маектеринин биринде кызматын тапшырган соң уктап эс аларын билдирген.
Эске салсак, Ангела Меркель канцлердик кызматын 8-декабрда Олаф Шольцго тапшырып берген. Ал бул кызматты 16 жыл аркалады.