Орусиянын президенти Владимир Путин жаратылыш газы боюнча келишимдер рубль менен төлөнбөсө токтотула турганын билдирди.
Путин орус жаратылыш газын рубль менен төлөө боюнча жарлыкка кол койду.
Рубль менен төлөмдөр боюнча билдирүүсүндө орус лидери газ төлөмдөрү үчүн Газпромбанкта атайын эсеп ачылышы керектигин айткан.
Газ үчүн төлөмдөрдүн 1-апрелде баштала турганын баса белгилеген Путин:«Эгер эсеп ачылбай, төлөм рубль менен жүргүзүлбөсө, орусиялык газ келишимдери токтотулат», — деди.
Евро жана доллар менен болгон операцияларга бөгөт коюла турганын билдирген Путин: «Рубль менен төлөө — бул эгемендүүлүгүбүздү бекемдөө дегенди билдирет. Ушундай жол менен улуттук валютабыздын соодадагы үлүшүн көбөйтөбүз», — деп кошумчалады.
Орус лидери, «Азык-түлүк кризисинен кийин иммиграциянын дагы бир толкуну болот, анын ичинде Европанын бардык өлкөлөрү бар», деген сөздү колдонду.
Орусияга каршы экономикалык согуштун жылдар мурда башталганын белгилеген Путин, Америка Кошмо Штаттарынын (АКШ) глобалдык туруксуздуктан пайда табууну максат кылганын айтты.