Бишкекте Евразиялык экономикалык форум өтөт. Бул тууралуу Соода өнөр-жай палатасынан билдиришти.
Билдирүүгө ылайык, «Глобалдуу өзгөрүүлөрдөгү Евразиялык экономикалык интеграция. Инвестициялык активдүүлүктөгү жаңы мүмкүнчүлүктөр: өндүрүштүк локация жана кооперация» аталышындагы иш-чара 26-майда борбор калаада уюштурулат.
Форум 10 мамлекеттен 600дөн ашык конокторду тосмокчу.
Иш-чара эки – көргөзмө жана ишкер бөлүктөн турат. Экинчи бөлүгүндө панелдик алты сессия болуп, ага расмий адамдардын, эксперттик жана бизнес-коомчулуктун өкүлдөрү, андан сырткары, мамлекет башчылардын келери да кабарланды.
«Пленардык отурум ЕАЭБге мүчөлөрдүн мамлекет башчылары жана аталган бирикмеге байкоочу болгон өлкөлөрдүн жетекчилери катышат», — деп айтылган маалыматта.