10-май күнү күндүз жана 11-12-май күндөрү Кыргызстандын аймагында туруксуз аба-ырайы күтүлөт. Бул туурасында Өзгөчө кырдаалдар министрлигинен билдирди.
Маалыматка караганда, мезгил-мезгили менен жаан жаап, күн күркүрөшү, бийик тоолуу райондордо кар жаашы, кээ бир райондордо жаан-чачын катуу жаашы күтүлөт. Кээ бир райондордо мөндүр жаашы мүмкүн.
Абанын температурасы бир аз төмөндөйт. Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге жетиши күтүлөт.
ӨКМ жарандарды шамал учурунда коопсуз жайда болууга чакырат.