Бишкекте өз өмүрүн кыюуга аракет кылган 18 жаштагы кыз куткарылды. Бул тууралуу Өзгөчө кырдаалдар министрлигинин басма сөз кызматы билдирди.
Маалыматка ылайык, бүгүн, 15-июнда саат 06:35 чамасында Логвиненко көчөсүндө көп кабаттуу имараттын 10-кабатынан белгисиз жаран өз өмүрүнө кол салууга аракеттенүүдө деп кабар «112» кызматынан түшкөн.
Окуя катталган жерге дароо эле Куткаруу кызматынан 5 куткаруучу тартылып, 11-кабаттан 10-кабатка атайын альпинисттик шаймандар менен 18 жаштагы кызды түшүрүшүп, ИИМ кызматкерлерине өткөрүп беришкен.
https://youtube.com/shorts/3Loiw8xhxMw?feature=share