Испанияда 43 градустан ашкан ысык аба ырайынын таасири менен өлкөнүн өзгөчө түндүк аймактарында акыркы үч күндө 30дан ашуун жерде токой өрттөрү менен күрөш уланууда.
Жарандык коргонуу жана өзүн-өзү башкаруу өкмөттөрү тарабынан берилген маалыматка караганда, өзгөчө Самора шаарында жана Каталониянын Арагон, Наварра жана Экстремадура аймактарында көптөгөн жерлердеги токой өртүнөн улам миңдеген адамдар үйлөрүн таштап кетүүгө аргасыз болушкан.
Заморадагы Сьерра-де-ла-Кулебра тоолуу аймагында ушул убакка чейин 20 миң гектар жер өрттөлсө, коопсуздук максатында айланадагы 14 айылдагы үйлөр эвакуацияланды.
Армия дагы 1000ге жакын аскери менен аймактагы өрт өчүрүү аракеттерине колдоо көрсөтүүдө.
Бир тараптан өлкөнүн чыгышында эң көп өрт чыккан Каталония аймагында Ллейда шаарынын айланасында 5 өрткө себепкер болгон деген шек менен бир адам кармалды.
Каталониядагы көзөмөлгө алынбаган өрт 90дон ашык калктуу конушка коркунуч жаратууда.