Орусиянын Камчатка жарым аралындагы Ключевская Сопка жанар тоосуна чыккан 12 альпинисттен 6 киши бийиктиктен кулап каза болду.
Шейшемби күнү тоого чыга баштаган 12 кишилик топтун жардам сигналдарын кечээ алган Орусиянын Өзгөчө кырдаалдар министрлиги издөө-куткаруу иштерин баштады.
Экөө гид болгон 12 адамдын үчөө 3300 метрге орнотулган лагерде калып, жөө жүрүштү жарым жолдо таштап кетишкен. 4150 метр бийиктикте аскадан кулаган альпинисттердин 5и каза болду, 4 адам жарадар болгон.
Ооруканага жеткирилип жатканда эс-учун жоготкон альпинисттин өлүмү менен окуяда каза болгондордун саны 6га жетти.
Жүрүштү үзгүлтүккө учураткан 3 альпинисттин куткаруу унаалары менен турган жеринен алынып, көзөмөлгө алынганы белгилүү болду.
Окуя боюнча иликтөө иштери башталды.
Чокуга чыккан 5 альпинист Орусиянын Туризм министрлигинде катталганы менен башка альпинисттердин лицензиясы жок экени айтылып, окуяга шалаакылык менен мамиле кылган мамлекеттик кызматкерлер да текшерилери айтылды.