Шенген визасы бар орусиялык туристтердин Эстония, Латвия, Литва жана Польшага кирүүсүнө 19-сентябрдан тарта чектөө киргизилет.
Эстониянын премьер-министри Кая Каллас пресс-конференция учурунда: «Латвия, Литва жана Польша менен биргеликте туристтик максатта саякаттоону каалаган орусиялык жарандардын кирүүсүнө олуттуу квота берүүнү каалайбыз»,- деди.
Каллас белгилегендей, коопсуздук максатында 19-сентябрдан тарта орусиялык жарандардын, анын ичинде жүк ташуучу унаалардын айдоочуларынын, дипломаттардын жана гуманитардык саякатчылардын кирүүсүнө чектөөлөр киргизилет.
Эстониянын тышкы иштер министри Урмас Реинсалу да орус жарандарына Эстонияга барбоого кеңеш берип: «Бул жерде жакшы кабыл алынбайсыздар»,-деди.
Ички иштер министри Лаури Лаанеметс 19-сентябрга ишарат кылып, Шенген визасы бар орус жарандары бул күндөн тарта Эстонияга туризм, спорт жана маданий максатта кире албай турганын айтты.
Министрлик бул чечим менен күн сайын барган 400-500 орус зыяратчынын санынын 100гө чейин азаярын болжолдоду.