Монголияда экономиканын абалына жана бийликтеги коррупцияга байланыштуу нааразылык акциялары өтүүдө.
Борбор калаа Улан-Батордо кечээ башталган демонстрацияларда өкмөттүк кызматкерлердин Кытайга сатылган көмүрдөн түшкөн кирешени кымырып алганы айтылып, жооп талап кылынды.
Президенттик, премьер-министрлик жана парламент имаратын курчап алган демонстранттар менен полициянын ортосунда кагылышуу болду.
Шаардын Сух-Батор аянтына да чогулган демонстранттар жумушсуздук жана экономикалык көйгөйлөрдү чечүүнү талап кылышты. Демонстранттардын арасында жаштардын көпчүлүктү түзгөндүгү көңүлдү бурду.
Полиция менен демонстранттардын кагылышында жарадар болгондор бар.
Улан-Батордо абанын температурасы 28 градуска жеткенине карабастан, демонстрациялар уланууда.