29-апрелинде УКМКнын Коррупцияга каршы күрөшүү кызматы тарабынан жүргүзүлгөн ыкчам иш-чараларынын алкагында, «Бишкекбашкыархитектура» мамлекеттик ишканасынын бөлүм башчысы,1973-жылы туулган К.М. 1 миң. 500 АКШ доллар өлчөмүндөгү акча каражатын алып жаткан учурунда кармалды. Бул тууралуу УКМКнын коомчулук жана ММК менен байланыш кызматы билдирди.
Такталган маалыматтар боюнча, кармалган адам Арча-Бешик жаңы конушунун жер участокторунун курулушуна уруксат берүү документтери жоктугун билип, тургундарды коркутуу менен 10 миң. АКШ доллар өлчөмүндөгү акча каражатын талап кылган. Анын 2000 миң АКШ долларын 2018-жылдын аягында алган.
Материалдар Кыргыз Республикасынын Кылмыш-жаза кодексинин 326-беренеси 2-бөлүмүнүн 1-пункту боюнча сотко чейинки териштирүүнүн негизинде кылмыштардын жана жоруктардын бирдиктүү реестрине катталды.
Кармалган адам УКМК ТКЖ убактылуу кармоочу жайына киргизилди.
Тергөө жүрүп жатат.
