Орусиянын президенти Владимир Путин президент Садыр Жапаров менен сүйлөшүүлөрдү 8-май күнү жүргүзөт. Бул тууралуу Путиндин маалымат катчысы Дмитрий Песков билдирди.
«Келерки жуманын башталышына даярдык көрүп жатабыз. 8-майда Кыргызстандын президенти Садыр Жапаров расмий сапары менен келе турганын айтканбыз. Орус-кыргыз сүйлөшүүлөрү жүрөт. Андан соң, 9-майда, парад болот», — деди Песков журналисттерге.
Буга чейин Садыр Жапаров Жеңиш парадында ардактуу конок болору айтылып, эмне маселелер талкууланары кабарланган.