ИИМдин берген маалыматы боюнча Саламаттык сактоо министрлигинин мурунку башчысы Динара Сагынбаева мыйзамдагы ууру Азиз Батукаевдин мыйзамсыз бошотулушу тууралуу козголгон ишке байланыштуу камакка алынды.
Билдирүүгө караганда, кечээ мурунку министр суракка алынып андан кийин убактылуу кармоочу жайга киргизилген.
Эскерте кетсек, Азиз Батукаевди мыйзамсыз бошотуу боюнча кылмыш иши ушул жылдын январында жаңыланган. Учурда Батукаевге рак дартын койгон дарыгерлер жана лаборанттар сурак берүүдө.