Ысык-Көл облусунун калктуу конуштарынын тургундарынын пляж аймактарына кирүү укугун камсыз кылуу жөнүндө жарлыктын негизинде Чолпон-Ата шаарындагы пляждардагы тосмолор алынууда. Президенттин аталган облустагы өкүлчүлүгүнөн билдиришкендей, кум жээктердеги тосмолордун 90 пайызы алынды.
Белгилесек, Садыр Жапаров «Ысык-Көл облусунун калктуу конуштарынын тургундарынын пляж аймактарына кирүү укугун камсыз кылуу жөнүндө» жарлыгына өзгөртүү киргизүүгө кол койгон.
Киргизилген өзгөртүүлөрдө Ысык-Көлдүн пляж аймактарына жарандардын эркин кирүүсүнө тоскоол болгон тосмолорду (дубалдарды, торчолорду, темир торлорду) демонтаждоо каралган. Ошондой эле аларды мындан ары курууга тыюу салынат.