Быйыл Кыргызстанда электр энергиясы менен жылытууга тыюу салынат. Бул тууралуу энергетика министринин орун басары Таалайбек Байгазиев «Биринчи радионун» эфиринде билдирди.
Анын айтымында, электр кубатын маал-маалы менен өчүрүү болбойт: “Быйыл биз электр энергиясы менен жылытууга толук тыюу салганы жатабыз. Ар бир кардар белгиленген чекте электр жарыгын алат. Ал алдын ала эсеп менен ар бир үйгө 5 кВт/саат болот экен. Эч кандай маал-маалы менен өчүрүүлөр болбойт. Күндүз электр энергиясы үч маал өчүрүлөт деген маалыматтар туура эмес. Бирок үнөмдөш керек. Азыр тойканаларда да бул тууралуу жарыялар кетип жатат”.