Быйыл үчүнчү жолу өткөрүлгөн жана 148 өлкөдөн 4700 киши катышкан Анталья дипломатиялык форуму (АДФ) жыйынтыкталды.
Антальянын Белек туризм аймагындагы NEST Конгресс борборунда өткөрүлгөн ADF 2024 үчүнчү күндүк иш-чаралар менен аяктады.
«Кризис убагында дипломатияны алдыңкы планга чыгаруу» негизги темасы менен өткөрүлгөн форумда глобалдык маселелер жана кризистер менен бирге климаттын өзгөрүшү, иммиграция, исламга каршы күрөш, соода согуштары жана жасалма интеллект сыяктуу бир топ тема эксперттер тарабынан талкууланды.
2021-жылы АДФге болжол менен 2 миң адам катышса, быйыл 148 өлкөдөн 4 миң 700 адам катышты.
Дипломаттар жана саясатчылар, студенттер, академиктер, бейөкмөт уюмдар жана иш дүйнөсүнүн өкүлдөрү катышкан панелде Президенттиктин Коммуникация башкармалыгы тарабынан уюштурулган «Ок өтпөгөн кыялдар: Газадагы сүрөтчү балдардын көргөзмөсү» уюштурулду.
Рефик Анадолдун көргөзмөсү менен Түркиянын дипломатиялык тарыхынын канчалык бай экенин ачып берген, «Түркия кылымы» менен бирге бул дипломатиянын кайсы чекке жеткенин жана Түркияны кантип аймактык жана глобалдык күчкө айландырганын көрсөткөн «Дипломатия туннели» да көңүлдөрдү бурду.