Бириккен Улуттар Уюмунун (БУУ) баш катчысы Антонио Гутерриш Израилдин Газага согушу «бүт аймакка жайылышы мүмкүн» деп эскертип, Израиль армиясынын Рефахка кол салышын кабыл алынгыс деп белгиледи.
Гутерриш Бахрейндин борбору Манамада өткөн Араб лигасынын 33-саммитинин ачылышында сөз сүйлөдү.
БУУнун баш катчысы Израилдин Газага кол салууларынын аймакта жайылуу коркунучуна көңүл буруп: «Газадагы согуш бүт аймакка инфекцияга себеп боло турган ачык жара»,-деди.
Израилдин 7-майда Рефахка баштаган кургактык кол салууларына байланыштуу Гутерриш : «Рефахка карата ар кандай кол салуу кабыл алынгыс жана аймакта жаңы оору жана апаат толкунуна алып келет», — деп айтты.
Гутерриш гуманитардык себептерден улам Газада ок атышпоонун тез арада түзүлүшү, бардык туткундардын дароо жана эч кандай шартсыз бошотулушу жана гуманитардык жардамдын Газа тилкесинин бардык аймактарына тоскоолдуксуз жеткирилиши керектигин белгиледи.
БУУнун баш катчысы Газадагы жаңжал ал кызматка киришкенден бери карапайым калк, гуманитардык кызматкерлер, журналисттер жана БУУнун кызматкерлери үчүн күбө болгон «эң өлүмгө дуушар болгон жаңжал» болгонун белгиледи.
Хамастын 7-октябрдагы кол салууларынын мыйзамдаштырыла албасын жактаган Гутерриш, Палестина калкы дуушар болгон жамааттык жазалоонун да эч кандай негизи жок экенин баса белгиледи.
Гутерриш Израилдин чабуулдарынан Газа тилкесинде карапайым калктын курмандыктары көбөйүп жатканын кошумчалады.