Бириккен Улуттар Уюмунун Палестиналык качкындарга жардам жана коомдук иштер агенттигинин (UNRWA) башкы комиссары Филипп Лазарини Израилдин чабуулдары астындагы Газа тилкесинде бардык согуш эрежелери бузулганын билдирди.
Лазарини X баракчасынан жарыялаган билдирүүсүндө, Израилдин 14 айдан бери кол салууларын улантып жаткан Газа тилкесиндеги мыйзам бузууларына көңүлдөрдү бурду.
UNRWAнын комиссары Лазарини: «Ар бир согуштун эрежелери бар, бирок Газада бардык эрежелер бузулду. Мектептерге жана ооруканаларга кол салуу көнүмүш болуп калды, дүйнө буга көнбөшү керек»,- деди.
Газада ок атышпоонун «өтө кечигип жатканын» айткан Лазарини, Газада жарандар үчүн кол салууларга «тыныгуу берилиши» керектигин баса белгиледи.