Бүгүн Каба уулу Кожомкул атындагы спорт ордосунда күрөш боюнча Кыргызстандын чемпионаты башталат.
Дене тарбия жана спорт департаментинен билдиришкендей, алгач грек-рим күрөшү боюнча беттештер өтөт.
Мелдештин биринчи күнүндө 55, 63, 72, 82, 97 кг салмактагылар күч сынашат.
Белгилей кетсек, чемпионаттын жыйынтыгы менен улуттук курама команда бекитилет.
Башталышы 11:00дө, ал эми чемпионаттын салтанаттуу ачылыш аземи саат 17:00дө өтөт.
Беттештер УТРК Спорт телеканалында түз эфирде көрсөтүлөт.