Түркияда 2023-жылдын 6-февралында «Кылым апааты» деп сыпатталган 11 облуста болгон 7,7 жана 7,6 баллдык жер титирөөлөрдө каза болгондор өлкө боюнча эскерилди.
Жер титирөөнүн очогу болгон Кахраманмарашта эл жер титирөөдөн жабыркагандар үчүн «унуткан жокпуз» жана «урмат жана сагынуу менен эскеребиз» деген жазуулары бар баннерлерди жерге жайып, гвоздикаларды калтырышты.Куран окулуп, дуба кылынган программада жакындарын жоготкон айрым жарандар сөз сүйлөдү. Кылым апаатында каза болгондордун сүрөттөрү дубалга илинген иш-чарада жер титирөөнү чагылдырган слайт-видеолор көрсөтүлдү.
Хатайда чоң топ Ататүрк проспектисинен Жумхуриет аянтына чейин «Үнсүз жүрүш» аттуу жүрүш жасады. Биринчи жер титирөө болгон саат 04.17де апаатта каза болгондор үчүн 65 секундалык унчукпай туруу жана Гимни ойнолду. Ал ортодо көптөгөн жарандар көз жашын тыя албай жатышты.
Газиантеп, Адыяман, Малатия, Адана, Османие, Килис сыяктуу жер титирөөдөн жабыркаган шаарларда жана башка шаарларда да каза болгон 53 миң 537 киши көз жаш менен эскерилди.