Өзүнүн радарларын жана абадан коргонуу системаларын өнүктүрбөй туруп, азыркы коопсуздук көйгөйлөрүнүн шартында эч бир өлкө өзүнүн келечегине ишене албайт.
Бул тууралуу Түркиянын президенти Режеп Тайып Эрдоган Анкарада Aselsan коргонуу компаниясынын курулушунун пайдубалын түптөө аземинде сүйлөп жатып билдирди.
Мамлекет башчысы “бул маселе биздин аймакта өзгөчө актуалдуу” деп белгиледи.
Президент өнүккөн ата мекендик “Болот Күмбөз” системасы менен Түркиянын абадан коргонуусу жаңы деңгээлге чыга турганын айтты.
Саясатчы белгилегендей, Аселсан «Болот Күмбөз» долбоорун ишке ашырууда негизги ролду ойнойт.
Анын айтымында, компания ошондой эле жасалма интеллекттин негизинде башкаруунун программалык камсыздоосун иштеп чыккан, ал тез байланышты жана жердеги бардык системаларды комплекстүү башкарууну камсыз кылат.
Түрк армиясы жалпы 47 унаадан турган «Болот Күмбөз» абадан коргонуу системаларын ала турганын кошумчалады. Саясатчынын айтымында, орто аралыкка учуучу “Хисар” системасы өлкөнүн бөгөт коюучу потенциалын дагы да бекемдейт.
Президент Эрдоган Түркиянын коргонуу өнөр жайы тарабынан иштелип чыккан системаларды дос жана шериктеш өлкөлөргө камсыз кылганын жана алардын жардамы менен дипломатиянын эффективдүүлүгүн арттырганын баса белгиледи.