Түркиянын Стамбул шаарында Чыңгыз Айтматовдун туулган күнүнө жана Алыкул Осмоновдун 110 жылдыгына арналган иш-чаралар өткөрүлдү. Бул тууралуу Тышкы иштер министрлигинен билдиришти.
Иш-чара Стамбул шаарындагы Кыргызстандын Башкы консулдугу тарабынан уюштурулган.
Анын алкагында Малтепе муниципалитетиндеги Чыңгыз Айтматов атындагы парктагы эстеликке гүл коюлуп, студенттер менен биргеликте уюштурулган «Ала-Тоонун өлбөс калемдери» аттуу поэзия кечеси өттү. Ошондой эле Чыңгыз Айтматовдун эстелигинин фасады жаңыланып, анын айланасындагы тосмолор алмаштырылды.
Башкы консулдук мыкты көркөм аткаруу боюнча конкурс уюштуруп, жеңүүчүгө ноутбук тапшырылды.