Швейцариядагы Кранс-Монтана лыжа курортундагы Жаңы жыл майрамы өтүп жаткан барда чыккан өрттөн 40 адам каза болуп, 115 адам жаракат алды, алардын көпчүлүгүнүн абалы оор.
Швейцария Конфедерациясынын президенти Гай Пармелин, Вале кантонунун полициясынын директору Фредерик Гислер, Вале кантонунун башкы прокурору Беатрис Пилло жана Вале кантонунун кеңешинин төрагасы Маттиас Рейнард өрт боюнча биргелешкен маалымат жыйынын өткөрүштү.
Пармелин башынан өткөргөн азапты сөз менен айтып жеткирүү мүмкүн эместигин билдирди: «Бул биздин өлкө көргөн эң оор трагедиялардын бири».
Швейцария элине көңүл айтып, Пармелин бардык кантондор тилектештик рухунда иш алып барып жатканын белгилеп, башка өлкөлөргө, айрыкча коңшу өлкөлөргө тилектештиги үчүн ыраазычылык билдирди.
Анын айтымында, Федералдык сарайдагы желектер беш күн бою түшүрүлөт.