Бишкек шаарынын Биринчи Май районунда жайгашкан жогорку окуу жайлардын биринин жатаканасынан өрт чыкты.
ӨКМден билдиришкендей, тилсиз жоону өчүрүүгө 1 автошаты, 5 күжүрмөн эсеп, штаб, ошондой эле Кризистик кырдаалдарда башкаруу борборунун ыкчам тобу тартылды.
Өрт саат 21:23тө чектөөгө алынып, учурда толук өчүрүү иштери жүргүзүлүүдө. Тилсиз жоо болжол менен 250 чарчы метр аянтты камтыган.
Коопсуздук чараларынын алкагында жатаканадан 150 студент эвакуацияланды. Алдын ала маалыматтар боюнча жабыркагандар жок.