Улуу Британиянын премьер-министри Кир Стармер Даниянын премьер-министри Метте Фредериксендин Гренландия боюнча позициясын колдой турганын билдирди.
Стармер ошондой эле Фредериксендин «Гренландияны АКШга өткөрүп берүү зарылдыгын талкуулоо маанисиз жана мындай коркутуулар токтотулушу керек» деген билдирүүсүнө комментарий берди.
«Мен аны колдойм. Ал Гренландиянын келечеги жөнүндө толугу менен туура айтат», — деди ал.
Ал эми Англиянын миграция жана жарандык боюнча мамлекеттик министри Майк Тапп Sky News каналындагы “АКШнын Гренландияга аскердик кийлигишүүсү туура эмеспи?” — деген суроого жооп берүүдөн бир нече жолу качты.
Ал көшөгө артында «кылдат дипломатиялык байланыштар» жүрүп жатканын белгилеп, бул маселе боюнча такай комментарий берүүнү көздөбөгөнүн кошумчалады.