ДСУнун Женевадагы өкүлү Тарик Жазаревич РИА Новости агенттигине берген маегинде Нипах вирусунун дүйнө жүзү боюнча андан ары жайылышы мүмкүн экенин айтты.
«Индия менен Бангладештин айрым жерлеринде, анын ичинде Батыш Бенгалияда жарганаттардын популяцияларында Нипах вирусунун белгилүү резервуарын эске алганда, Нипах вирусунун андан ары жугушу, жайылышы мүмкүн», — деп билдирди ал. Жазаревич курма пальмасынын ширесин колдонууну кошо алганда, коомчулуктун тобокелдик факторлору жөнүндө маалымдуулугун жогорулатуу керек деп эсептейт.