Азербайжан бир аз убакыт мурун Сербияга жаратылыш газын экспорттой баштаган жана Азербайжан бийлиги экспорттун көлөмүн көбөйтүүнү чечти. Азербайжан президентинин басма сөз кызматынын маалыматы боюнча, президент Ильхам Алиев бул тууралуу сербиялык кесиптеши Александр Вучич менен болгон басма сөз жыйынында билдирди.
Анын айтымында, эки өлкөнүн энергетикалык мамилелери учурда көп кырдуу форматта өнүгүп жатат.
«Эми биз Сербияга экспорттолгон газды конвертациялоо боюнча да иштейбиз, бул бизге кошумча көлөмдөгү таза электр энергиясын өндүрүүгө мүмкүндүк берет. Бул Сербия рыногу жана келечектеги экспорт үчүн мүмкүнчүлүктөрдү түзөт», — деп баса белгиледи мамлекет башчысы.
Ильхам Алиев Азербайжан Сербияга олуттуу инвестиция салууга даяр экенин белгиледи.
Ал электр станцияларын куруу, реконструкциялоо жана калыбына келтирүү эки өлкөнүн келечектеги өнүгүшүн камсыз кылаарын кошумчалады.
Ильхам Алиев Сербия менен Азербайжан ар дайым бири-бирин колдогон эки достук мамиледеги өлкө экенин баса белгиледи.
Александр Вучич өз кезегинде мындай мамилелерди куруу Азербайжан менен Сербиянын көптөгөн жалпы баалуулуктарга ээ экенин көрсөтүп турарын белгиледи.
Вучич президент Ильхам Алиев менен Европа жана дүйнөгө тиешелүү абдан маанилүү маселелер боюнча пикир алмашканын белгиледи.
15-февралда Белградда эки президенттин катышуусунда азербайжан-серб документтерин алмашуу аземи, ошондой эле Азербайжан Республикасы менен Сербия Республикасынын ортосундагы Стратегиялык өнөктөштүк кеңешинин биринчи жыйыны өттү.