Кашкар – Ош – Кашкар багыты боюнча жаңы эл аралык аба каттамы ишке киргизилди. Бул тууралуу “Кыргызстан аэропорттору” ААКтан билдиришти.
Каттамдарды Chengdu Airlines авиакомпаниясы жумасына бир жолу – шейшемби күндөрү С909 учагы менен аткарат.
“Ош” эл аралык аэропорту жүргүнчүлөргө саякаттын бардык этаптарында ыңгайлуулукту жана коопсуздукту камсыз кылуу менен эл аралык каттамдарды кабыл алууга жана жогорку деңгээлде тейлөөгө даяр.