Чүй облусунун Жайыл районунун Суусамыр айыл аймагына караштуу Кызыл-Ой айылындагы мектептен өрт чыкты. Бул тууралуу Өзгөчө кырдаалдар министрлигинен билдиришти.
Маалыматка ылайык, өрт тууралуу билдирүү бүгүн, 19-ноябрда түшкөн. Аны өчүрүүгө саат 08:48де Жайыл районунан бир өрт өчүрүүчү бөлүм тартылган.
Кошумча күч катары саат 08:55те Жумгал районунан дагы бир өрт өчүрүүчү бөлүм жөнөтүлгөн.
Учурда өрттү өчүрүү иштери жүрүп жатат.
Чүй облустук ички иштер башкы башкармалыгынын маалыматына ылайык, өрт мектептин китепканасынан жана спорт залынан чыккан.
