Биринчи май райондук соту экс-башпрокурор Индира Жолдубаеванын баш коргоо чарасын карап, үй камагына алуу чечимин чыгарды. Бул тууралуу ИИМ маалымат таратты.
Белгилүү болгондой, мурдагы башпрокурор Батукаевдин мөөнөтүнөн мурда бошотулушу боюнча козголгон кылмыш ишинин алкагында камакка алынды.
Сотко чейинки өндүрүштүн алкагында 2019-жылдын 20-августунда Жолдубаева Индира Ырысбаевна КР Кылмыш кодексинин «коррупция» беренеси боюнча шектелип жатканы кабардар кылынган.
Кримтөбөлү Азиз Батукаев 2013-жылдын апрель айында абактан чыгарылган. Ошол убакта Жолдубаева президенттик администрациянын соттук реформалар жана мыйзамдуулук бөлүмүнүн башчысы болуп иштеген. Кийинчерээк ал Кыргызстандын башкы прокуроруна айланган.