Мурдагы президент 8-августта камакка алынган. Ошондон бери үн катпай келатканы айтылууда. Бирок кечээ абакка аны көргөнү барган депутаттар Атамбаевдин маанайы ачык, көрүнүшү жакшы экенин айтышкан. Ал турмак анын абактын китепканасындагы болгон китептердин баарын окуп чыгууга үлгүргөнүн да кеп салышкан. Буга караганда Атамбаев актанууга сөзү жок болгону үчүн ооз ача албай жаткандай. Же “унчукпаган үйдөй балээден кутулат” принцибине өткөнүбү?