Нур-Султан шаарындагы Дүйнөлүк чемпионаттын алкагында күч сынашып жаткан балбан кыз Айсулуу Тыныбекова биринчи атаандашын утканы белгилүү болду.
Айсулуу мексикалык спортчу Алехандра Ромеро Бонилла’ны 8:0 эсебинде утуп алган. Эми ал жарым чейрек финалда япониялык Юкако Каваи менен күрөшөт.
Айта кетсек, алты күндөн бери Казакстандын баш калаасында спорттун бир нече түрү боюнча Дүйнөлүк чемпионат өтүп жатат. Мында жеңишке жетишкендер жана алдыңкы 5 орунду камсыз кылгандар Олимп оюндарына жолдомого ээ болушат.
Кезектеги Олимпиада оюндары 2020-жылы Япониянын Токио шаарында орун алмакчы.