Учурда Талас облусунда өтүп жаткан Улуттук көчмөндөр оюндарынын алкагында орун алган көк бөрү таймашында алдыга Чүй менен Ош командалары озуп чыкты. Айта кетсек бүгүн Чүй-Талас топторунун оюндарына күбө болдук. Анда Талас спортчулары 5:2 эсебинде атаандашына утулуп берген. Эми эртең боло турган финалдык беттеште Чүй-Ош улакчылары упай талашат. Ал эми Талас-Бишкек командалары коло медалга ойношот.
Айта кетсек Таласта көк бөрү оюндары төрт күндөн бери өтүп жатат. Буга чейин Талас-Ош, Бишкек-Ош, Чүй-Талас командалары бет келишкен.
Таластагы көчмөндөр оюндарына жети облустун таланттары келип өз өнөрлөрүн тартуулашууда. Спорттук иш чаралар Газпром ишканасынын спорт комплексинде, ат оюндары Райкан Алканов атындагы ат майданда ал эми маданий бөлүгү Манас ордо комплексинде уюштурулган.