Дүйнө чемпиону Айсулуу Тыныбекова өзүнүн инстаграмм баракчасына мамлекет башчысы Сооронбай Жээнбеков белек кылган үйүнүн сүрөттөрүн чыгарды. Анда балбан кыз апасы менен бирге селфи жазап, алдына өлкө башчысы тарабынан берилген белекке ыраазычылык айткан билдирүү калтырган.
Айта кетсек, Айсулууга президент бүгүн дүйнө чемпиону наамы менен куттуктап, үч бөлмөлүү батир белек кылган.
Президенттин кабыл алуусунда ошондой эле анын машыктыруучусу менен кошо ата-энеси дагы болгон. Жээнбеков машыктыруучусуна акчалай белек, ал эми ата-энесине энчилүү саат тартуулаган.
Эскерте кетсек, Айсулуу Тыныбекова жакында эле Казакстандын борбор шаары Нур-Султанда болуп өткөн таймаштын алкагында дүйнө чемпиону наамын багындырган.
Айсулуунун жеңишинен кийин Кыргызстандагы курулуш компанияларынын биринин жетекчиси Айсулууга үй- бүлөсүнүн атынан эки бөлмөлүү батир белек кылаарын билдирип чыккан.
