Залкар кинорежиссер Болот Шамшиевди акыркы сапарга узатуу зыйнаты бүгүн болууда. СССРдин жана Кыргызстандын Эмгек сиңирген артисти Болот Шамшиев менен коштошуу иш чарасы Бишкектеги Абдылас Малдыбаев атындагы опера жана балет театрында өттү. Маркумду акыркы сапарга узатууга ЖК депутатты, өкмөт мүчөлөрү жана чыгармачылыгын сыйлаган күйөрмандары келишти. Ошондой эле Роза Айтматова, мурдагы премьер-министр Апас Жумагулов, экс-башпрокурор Элмурза Сатыбалдиев, экс-министр Кудайберген Базарбаев, акыйкатчы Токон Мамытовдор да жүрүштү.
Эске салсак Болот Шамшиев 21-декабрда 78 жаш курагында дүйнө салды.