Украинанын Харьков аймагында аскердик учактын кулашынан улам 25 адам каза болду.
Украинанын Башкы прокуратурасынын билдирүүсүндө, Украин армиясына таандык АН-26 үлгүсүндөгү учактын Харьков аймагында кулап түшүшүнө байланыштуу териштирүү башталганы белгиленди. Кырсыктан 25 кишинин каза болгону, 2 кишинин оор жаракат алганы кабарланды.
Буга чейин Украинанын Өзгөчө кырдаалдар кызматынын билдирүүсүндө, учакта 28 адамдын болгондугу, 22 адам каза болуп, 2 адамдын жаракат алгандыгы, 4 адамдын изделип жаткандыгы маалымдалган эле.
Өзгөчө кырдаалдар кызматы «учакта 28 адам болгон» деген маалыматты 27 адам деп тактады.
Президент Владимир Зеленскийдин бүгүн аймакка барары маалым болду.