Борбор Азиядагы эң ири мечиттердин бири болгон Кыргызстандагы “Имам Сарахсий” атындагы Республикалык Борбордук мечиттин жалпы аянты 3,5 гектарды түзүп, 10 миң адамга ылайыкташтырылган. Ошондой эле төрт мунарасынын ар биринин бийиктиги 64 метрди түзөт. Анын курулушу 2012-жылы башталып, 2018-жылы эки өлкөнүн мамлекет башчылары тарабынан ачылган.
Осмон архитектуралык курулушунун негизинде көркөмдөлгөн, бул мечиттин салынуусуна Түркия Диянет Иштери Башкармалыгынын алдындагы “Түркия Дианет фондусу” тарабынан 25 миллион доллар каражат бөлүнгөн.