Новосибирскийдин соту «Иегованын күбөлөрү» (Орусияда тыюу салынган) өкүлү Юрий Савелевди алты жылга эркинен ажыратуу чечимин чыгарды.
66-жаштагы пенсионерге экстремисттик уюм түзгөн деп күнөө коюлган. Орусиянын тергөө комитетинин билдирүүсундө Савельев жалпы режим колониясында жаза мөөнөтүн өтөйт.
Буга чейин прокурор Савелевди 8 жылга эркинен ажыратууну соттон талап кылган болчу. Бул «Иегованын күбөлөрүнө» берилүучү эң жогорку жаза өтөө мөөнөтү болмок.
Иликтөө материалына караганда Савельев Новосибирскийде Ленин районунда, өзүнүн квартирасында 2017-жылдын июнь айынан 2018-жылдын сентябрь айлары аралыгында экстремисттик адабияттарды талкуулоону, окууну камтыган диний жыйындарды уюштурган, видеоматериалдарды жайылткан жана диний ырым-жырымдарды өткөргөн.
Савельевдин өнөктөштөрү кабарлагандай, 2018-жылы Орусиянын Жогорку соту бул уюмду жоюп салгандан кийин, пенсионердин квартирасына аларга «Иегованын күбөлөрү» жиберген маалыматтарды камерага тартып алуу үчүн видеобайкоо орнотушкан.
2018-жылы ноябрь айында Савельев камакка алынып, ошол убакыттан бери СИЗОдо отурган.