Бүгүн, 11-январга карата өлкөдө коронавирус жана пневмония илдетинин жаңы 107 учуру аныкталды. Бул тууралуу коронавируска каршы күрөшүү боюнча республикалык штаб билдирди.
Жаңы учурлар: Бишкек шаарынан – 82, Чүй облусунан – 8, Ош облусунан – 2, Ысык-Көл облусунан – 10, Жалал-Абад облусунан – 1, Баткен облусунан – 4 катталды. Ошентип, өлкөдө жалпысынан 82 380 адам ооруга чалдыккан.
Оорудан айыккандар: Бишкек шаарынан – 57, Чүй облусунан – 16, Ош облусунан – 1, Ысык-Көл облусунан – 12, Жалал-Абад облусунан – 9, Баткен облусунан – 4, Нарын облусунан – 2.
Акыркы сутка ичинде коронавирустан 2 бейтап каза болду. Алардын жалпы саны 1371ге жетти.