Жайкы туристтик сезон учурунда Жол кыймылынын коопсуздугун камсыздоо жана жол транспорт кырсыктарынын алдын алуу максатында Чүй жана Ысык-Көл облустаруна кошумча күч иретинде жөнөп кетишкен Бишкек шаардык милициянын кайгуул кызматкерлери тарабынан 28-июлдан 8-августка чейин жалпысынан 1 миң 236 жол эрежесин бузуу фактылары аныкталган.
Алардын ичинен;
— мас абалында автоунаа башкаруу — 33;
— автоунаанын алдыңкы жана каптал терезелерин караңгылатып айдоо — 5;
— айдоочулук күбөлүгү жок автоунаа башкаруу — 13;
— коопсуздук курун тагынбаган айдоочулар — 893;
— башка жол эрежелерин бузуулар — 282. Ал эми 35 унаа убактылуу айып короо жайына токтотулду.
«Азыркы учурда Чүй жана Ысык Көл облустарыын аймактарына бөлүнгөн милициянын кайгуул кызматкерлери бөлүнгөн күзөт ордуларында күнү-түнү кызмат алып барууда», — деп айтылат маалыматта.