Электр эсептегичтерин колдонууга чектөө коюлду. Бул тууралуу «Түндүк электр» ишканасынан кабарлашты.
Билдирүүгө ылайык, бир фазалуу колдонуучуларга 5 киловаттык, ал эми үч фазалууларга 10 киловаттык чектөө коюлду. Мындан улам чектөөдөн ашкан колдонуучуларда электр кубаты автоматтык түрдө өчөт. «Электр эсептегичтерге күч келтирбөө үчүн абоненттер электр каражаттарын бир калыпта колдонуусу зарыл», — деп айтылат билдирүүдө.
Мекеме Токтогул суу сактагычында суунун көлөмү жылдагыдан аз экени белгилеп, кардарларды бул аргасыздык чечимди түшүнүү менен кабыл алууга чакырган.