Орусиянын Ростов облусунда Су-25 согуштук учагынын кыйрашынан улам учкуч каза болду.
Орусиянын Куралдуу күчтөрүнүн Түштүк Аскердик аймагынын басма сөз борборунан берилген маалыматта, пландалган машыгуу учуусун аткарып жаткан Су-25 үлгүсүндөгү согуштук учактын кулап түшкөнү белгиленди.
Билдирүүдө: «Учуу ок-дарысыз ишке ашты. Учак ээн жерге кулап түштү. Эч жерде кыйроолор болгон жок»,-деп кабарланды.
Биринчи маалыматка караганда учактын техникалык мүчүлүштүктөн улам кулаганы айтылса, Орусиянын Аскердик Аба жана Космос күчтөрүнөн түзүлгөн комиссиянын кырсык болгон жерде иликтөө иштерин жүргүзгөнү маалымдалды.