Үстүбүздөгү жылдын 22-майынан тарта Ош шаарынан Россиянын Красноярск шаарына авиакаттамдар жанданат. Бул тууралуу «Манас» эл аралык аэропортунун маалымат кызматынан билдиришти.
Ага ылайык, каттамдарды ата мекендик «Аэро Номад Эйрлайнс» авиакомпаниясы аткарып турат.
Каттамдар Airbus A320 учагы менен жумасына 1 жолу аткарылат. Буга чейин аталган багыт боюнча үзгүлтүксүз каттамдар жумасына 5 жолу каттап турган.