Бүгүн, 12-сентябрда Токтогул Сатылганов атындагы Кыргыз улуттук филармониясында КМШнын Жаштар симфониялык оркестринин концерти өтөт. Бул тууралуу Маданият, маалымат, спорт жана жаштар саясаты министрлиги кабарлады.
Билдирүүгө ылайык, концерт КМШга мүчө-мамлекеттердин чыгармачыл жана илимий интеллигенциясынын XVI форумунун алкагында уюштурулат.
КМШнын Жаштар симфониялык оркестри Гуманитардык кызматташтык кеңешинин жана КМШга мүчө-өлкөлөрдүн Мамлекеттер аралык гуманитардык кызматташтык фонду тарабынан түзүлгөн.
«Оркестрдин курамы КМШ жана Грузия өлкөлөрүнүн таланттуу жаш музыканттарынан, абройлуу шоу-сынактардын жеңүүчүлөрүнөн турат», — дешти министрликтен.
Маалыматта концерт акысыз коюлары кошумчаланган.