Пакистандын Хайбер-Пахтунхва провинциясында уруулар ортосунда чыккан кагылышууда алгачкы маалыматтарга караганда 5 адам каза болду.
Улуттук маалымат каражаттарында орун алган кабарга караганда, жума күнү кечинде Хайбер-Пахтунхва провинциясынын Куррам районунда талаштуу жерге курулган курулуштан улам биринчи жолу атаандаш уруулар ортосунда уруш чыккан.
Мушташ кечээ кечинде кайрадан тутанган.
Оор куралдар колдонулган кагылышууда 5 киши каза болуп, көп киши жараланды.
Аймактагы пикир лидерлери бийликти жаңжалдарды токтотууга чакырышты.
Социалдык тармактардагы билдирүүлөр каза болгондордун жана жаракат алгандардын саны алда канча көп экенин айтышкан.