АКШнын президенти Дональд Трамп Венесуэланын «АКШнын 51-штаты» болуп калышы мүмкүн экенин кыйытты.
Социалдык медиадагы постунда Трамп Венесуэланын бейсбол командасынын жарым финалда Италияны 4-2 эсебинде жеңгенин белгиледи.
«Вау! Венесуэла бүгүн WBC жарым финалында Италияны 4-2 эсебинде жеңди! Алар абдан сонун көрүнөт. Акыркы убакта Венесуэлада жакшы нерселер болуп жатат! Бул эмне сыйкыр экенин билгим келет? 51-штатпы? Ким билет?! » — деп жазган Трамп.
2025-жылдын ноябрында Венесуэланын президентинин милдетин аткаруучу Делси Родригес Америка Кошмо Штаттары анын өлкөсүн «51-штат» кылууга аракет кылып жатканын билдирген.
Трамп буга чейин Канаданын АКШнын 51-штаты болуп калышы жөнүндө бир нече жолу айткан.