АКШ президенти Дональд Трамп, 22-июнда Ирандын Фордоу, Натанз жана Исфахандагы өзөктүк объектилерине жасалган аба соккуларында «олуттуу сандагы» В-2 бомбалоочу учактардын колдонулганын айтты.
Трамп 22-июндагы чабуулда В-2 учактарынын колдонулушу тууралуу комментарий берип, бул учактар »толугу менен жашыруун» экенин белгиледи. Ал сокку Ирандын өзөктүк мүмкүнчүлүктөрүн «толугу менен жок кылган» деген көз карашын кайталады.
Америкалык лидер АКШ буга чейин эле колдонулуп келген учактарды толуктоо үчүн көп сандаган В-2 бомбалоочу учакты ала турганын кошумчалады.
22-июнда АКШ Ирандын өзөктүк объектилерине жашыруун В-2 бомбалоочу учактарынан атылган бомбалар менен сокку урду. Болжол менен алты метр узундуктагы бомбалар жер астындагы жашыруун жайларды да кыйратууга жөндөмдүү.