Касым-Жомарт Токаев Казакстанга мамлекеттик сапар менен келген Түркиянын президенти Режеп Тайип Эрдоганды тосуп алды, деп билдирди Акорда.
«Казакстандын чек арасынан өткөн учурдан тартып Астана аэропортуна конгонго чейин Түркиянын президентинин учагы Казакстан Республикасынын Абадан коргонуу күчтөрүнүн согуштук учактары тарабынан коштолду», — деп айтылат билдирүүдө.
Учактын тепкичтеринде ардактуу кароол тизилип турду.
Режеп Тайип Эрдоганды жана расмий делегациянын мүчөлөрүн желек көтөрүп, эки тилде «Ата юрда хош келдиңиз!» (Ата-бабаларыңыздын жерине кош келиңиз!) деп кыйкырган балдар тосуп алышты.
Андан кийин Түркиянын жана Казакстандын желектери илинген тик учактар алардын үстүнөн учуп өттү.